Drita kryen detyrat e shtëpisë, mposht Ferizajn dhe mban kreun edhe për këtë xhiro

Drita ka shënuar fitore të lehtë ndaj Ferizaj.

Ashtu edhe siç pritej, pa ndonjë telashe të madhe, Drita ka mposhtur Ferizajn me rezultatin 2:0, shkruan lajmi.net.

Gjilanasit administruan ndeshjen gjatë gjithë kohës, duke krijuar raste, por goli nuk erdhi deri në pjesën e dytë të takimit.

Ishte Kastriot Rexha ai që penalltinë e akorduar në favor të Dritës, e konvertoi në gol në minutën e 49’, shkruan lajmi.net.

Fitoren për ‘Intelektualët’ e siguroi Astrit Fazliu, i cili rrjetën e tundi në minutën e 77’, për të lehtësuar frymëmarrjen për Dritën.

Me këtë fitore, skuadra e Ardian Nuhiut ngritët në 52 pikë pas 25 ndeshjeve, duke mbajtur kështu pozitën e parë me pesë pikë më shumë sesa Prishtina, e cila ka një ndeshje për të luajtur.

Ferizaj në anën tjetër numëron 25 pikë për pozitën e 10-të në tabelë dhe rrezikon seriozisht rënien nga kampionati elitar i futbollit kosovar. /Lajmi.net/


close